لاہور ۔ 11 ستمبر (اے پی پی) مون سون بارشاں دی شدت اچ گھٹکی نال دریاواں دے بہاؤ اچ گھٹکی تھی ڳئی اے۔ ترجمان پی ڈی ایم اے پنجاب موجب دریاواں دے اتلے علاقیاں اچ وی بارشاں دا سلسلہ رک ڳئے۔ ڈی جی پی ڈی ایم اے ݙسائے جو دریائے ستلج گنڈا سنگھ آلا دے مقام تے پاݨی دا بہاؤ ھک لکھ 82 ہزار کیوسک تھی ڳئے، جݙاں جو دریائے چناب مرالہ دے مقام تے پاݨی دا بہاؤ 50 ہزار کیوسک تئیں آ ڳئے اتے دریائے راوی جسڑ دے مقام تے پاݨی دا بہاؤ 23 ہزار کیوسک تئیں آ ڳئے۔ انہاں ݙسائے جو دریائے چناب اچ خانکی ہیڈ ورکس دے مقام تے پاݨی دا بہاؤ 92 ہزار کیوسک اے، دریائے چناب اچ قادرآباد دے مقام تے پاݨی دا بہاؤ 94 ہزار کیوسک اے، ہیڈ تریموں دے مقام تے پاݨی دا بہاؤ ھک لکھ 78 ہزار کیوسک اے، جݙاں جو ہیڈ تریموں تے پاݨی دے بہاؤ اچ گھٹکی تھیندی پئی اے۔ پنجند دے مقام تے پاݨی دا بہاؤ 6 لکھ 60 ہزار کیوسک اے اتے پنجند دے مقام تے پاݨی دے بہاؤ اچ مسلسل ودھارا تھیندا پئے۔ دریائے ستلج سلیمانکی دے مقام تے پاݨی دا بہاؤ ھک لکھ 24 ہزار کیوسک اے، دریائے راوی شاہدرہ دے مقام تے پاݨی دا بہاؤ 31 ہزار کیوسک اے، بلوکی ہیڈ ورکس دے مقام تے پاݨی دا بہاؤ 63 ہزار کیوسک اے، دریائے راوی ہیڈ سدھنائی دے مقام تے پاݨی دا بہاؤ 78 ہزار کیوسک اے، جݙاں جو دریائے راوی ہیڈ سدھنائی دے مقام تے پاݨی دا بہاؤ گھٹ تھیندا پئے۔ ڈی جی پی ڈی ایم اے ݙسائے جو وزیراعلیٰ پنجاب دی ہدایتاں دے پیش نظر سارے محکمے الرٹ ہن اتے شہریاں دی جان و مال دے تحفظ کیتے سارے وسائل لاتے ویندے پئن۔
