اسلام آباد – 7 ستمبر (اے پی پی) پاک فضائیہ ولوں 7 ستمبر کوں ملک دیاں ساریاں ایئر بیسز تے یوم شہداء ??نا??ا ڳیا۔ ݙینھ دا آغا?? 1965 اتے 1971 دے معرکیں دے دوران شہادت دا درجہ حاصل کرݨ آلیں کیتے خصوصی دعاواں اتے قرآن خوانی نال تھیا، جنہاں قیام پاکستان توں گھن تے ہݨ تئیں اپݨے فرائض دی انجام ݙیندے نہ بھلݨ آلیاں قربانیاں ݙتن۔ ترجمان پاک فضائیہ موجب ایئر ہیڈ کوارٹرز اسلام آباد وچ منعقدہ یوم شہداء دی مرکزی تقریب وچ سربراہ پاک فضائیہ ایئر چیف مارشل ظہیر احمد بابر سدھو بطور مہمان خصوصی شرکت کیتی۔ اپݨے خطاب دے دوران سربراہ پاک فضائیہ ایثار، حوصلہ مندی اتے پیشہ ورانہ مہارت دا ذکر کریندے انہاں اوصاف کوں پاک فضائیہ دی میراث اتے سنڄاݨ قرار ݙتا۔ انہاں ایں ڳالھ تے وی زور ݙتا جو یوم شہداء پاکستان دیاں مسلح افواج دیاں غیر معمولی بہادری، بے مثال پیشہ ورانہ مہارت اتے نہ بھلݨ آلے جذبہ ایثار و قربانی دی علامت اے۔ انہاں مزید آکھیا جو پاک فضائیہ پوری یکسوئی نال اپݨے مشن دی انجام دہی کیتے پرعزم اے اتے ہرویلھے بدلدی ہوئی عالمی سلامتی دے محرکات توں بخوبی واقف اے۔ معرکہ حق آپریشن بُنيانُ المّرصُوص دے دوران پاک فضائیہ ولوں حاصل کیتیاں ڳئیاں فتوحات دی ہک لمبی فہرست ہک واری ول اے ڳالھ پکی کیتی جو اساں اپݨی پوری قوت ارادی اتے عسکری صلاحیتاں دے نال مادرِ وطن دیاں فضائی حداں دے دفاع کیتے پرعزم ہیسے۔ پاک فضائیہ دے شہیداں اتے ہیروز کوں خراج عقیدت پیش کریندے ایئر چیف آکھیا جو اساں اپݨے ہیروز دیاں وݙیاں قربانیاں تے انہاں دے شکر گزار ہیسے، اے او قربانیاں ہن جیڑھیاں آوݨ آلیاں نسلاں کیتے مشعلِ راہ ہن۔ ایں پروقار موقع تے اساں مادرِ وطن دے دفاع وچ اپݨیاں جاناں دا نذرانہ ݙیوݨ آلیں کوں دلوں خراجِ عقیدت پیش کریندوں ۔ سربراہ پاک فضائیہ مقبوضہ کشمیر دے عوام ولوں حق خود ارادیت دے حصول کیتے جاری جدوجہد وچ انہاں دی نہ بدلݨ آلی حمایت دی وی یقین دہانی کروائی۔ اپݨے خطاب دے اختتام تے سربراہ پاک فضائیہ عالمی سطح تے پاکستان دی ترقی اتے خوشحالی کیتے پورا زور لاوݨ دے عزم دا اظہار کیتا۔ انہاں ایں ڳالھ دا وی یقین ݙیوائے جو پاک فضائیہ قوم دی خودمختاری اتے علاقائی سالمیت دے تحفظ کیتے خلائی، الیکٹرانک وارفیئر، سائبر ٹیکنالوجیز، جدید شعبے اتے مقامی سطح تے دفاعی پیداوار وچ اپݨیاں صلاحیتاں کوں ودھا??ݨ کیتے کوشاں اے۔ بعد وچ شہیداں کوں خراج عقیدت پیش کریندے ہوئیں سربراہ پاک فضائیہ یادگار شہداء تے پُھلاں دی چادر چڑھا??ی اتے انہاں دے ایصال ثواب کیتے فاتحہ خوانی کیتی۔
.jpg)
