اسلام آباد۔31جنوری(اے پی پی):وفاقی وزیر صحت عبدالقادر پٹیل آکھیے ݙکھی انسانیت دی خدمت ساݙا مذہبی اتے اخلاقی فریضہ اے، مریضاں کوں بہترین طبی سہولتاں ݙیوݨ کیتے سارے وسائل بروئے کار گھن آئے ویسن ۔وزارت صحت دی طرفوں جاری بیان موجب اے ڳالھ انہاں پولی کلینک ہسپتال دا دورہ کرݨ ویلھے آکھی اے۔ وفاقی وزیر ہسپتال اچ مریضاں کوں ݙتی ونڄݨ آلیاں سہولتاں دا وی جائزہ ڳھدا ۔ انہاں ہسپتال اچ داخل مریضاں دی عیادت کیتی۔ ایں موقع تے زیر علاج مریضاں دے عزیزاں علاج دی سہولتاں بارے شکایات کیتیاں۔ وفاقی وزیر آکھیے جو مریضاں کوں بہترین طبی سہولتاں ݙیوݨ اچ غفلت اتے کوتاہی برداشت نہ کیتی ویسی ۔ مریضاں کوں بہترین طبی سہولتاں ݙیوݨ کیتے سارے وسائل بروئے کار گھن آئے ویسن ۔ انہاں آکھیے سرکاری ہسپتالاں دی کارکردگی کوں مزید بہتر بݨاوݨ کیتے بھر پور اقدامات کیتے ویندے پئن ، انہاں آکھیے ݙکھی انسانیت دی خدمت ساݙا مذہبی اتے اخلاقی فریضہ اے۔
