اسلام آباد – 24 – مئي (اي پي پي) وزيراعظم عمران خان احساس سيونگ والٽس (احساس بچت بئنڪ اڪائونٽ) جو اسلام آباد کان آغاز ڪيو، 70 لک گهرن جي مالي ۽ ڊجيٽل شموليت احساس پروگرام جي اهم مقصدن مان هڪ آهي، احساس سيونگ والٽس جي ذريعي پوئتي پيل طبقن سان تعلق رکندڙ عورتون وياج کان پاڪ قرضن مان ڀرپور فائدو کڻي سگهنديون، احساس سوينگ والٽس ڪفالت گهرن لاءِ معاشي نقصان کان بچاءُ، هنگامي ضرورتن کي پورو ڪرڻ ۽ پنهنجي آمدني ۾ اضافو ڪرڻ لاءِ سيڙپڪاري جا موقعا فراهم ڪندو، ان پروگرام جو مقصد بچت جي حوصلا افزائي ڪرڻ آهي. جنهن سان غربت جي خاتمي ۾ مدد ملندي.
