لاہور۔14اگست (اے پی پی):75 ویں جشن آزادی پاکستان دی ڈائمنڈ جوبلی مکمل تھیوݨ دے حوالے نال لاہور ہائیکورٹ اچ اتواردے ݙینھ پر چم کشائی دی تقریب منعقد تھئی ۔ چیف جسٹس لاہور ہائیکورٹ مسٹر جسٹس محمد امیر بھٹی عدالت عالیہ دی تاریخی عمارت تے پرچم لہرائے۔ ایں موقع تے لاہور ہائیکورٹ دے جسٹس علی باقر نجفی، جسٹس شاہد وحید اتے جسٹس شاہد بلال حسن، جسٹس انوار حسین، جسٹس شکیل احمد، جسٹس عاصم حفیظ، جسٹس اسجد جاوید گھرال، جسٹس طارق سلیم شیخ تے جسٹس امجد رفیق سودھے ٻئے ججز وی موجود ہن ۔ پرچم کشائی دی تقریب اچ لاہور ہائیکورٹ دے افسران، سٹاف ممبران تے تریمتاں تے ٻالاں دی وݙی تعداد موجود ہئی ۔ پرچم کشائی دی تقریب توں خطاب کریندے ہوئیں چیف جسٹس محمد امیر بھٹی دا آکھݨ ہئی جو اساں آپݨے وݙیں دیاں قربانیاں یاد کرݨ کیتے کٹھے تھئے سے لیکن اساکوں یاد رکھݨا ہوسی جو بانی پاکستان قائداعظم محمد علی جناح پرامن سیاسی جدوجہد دے نتیجے اچ اے وطن حاصل کیتا، ساݙے قائد نے ناں تاں کݙاہیں کوں قانون تروڑیا تے نہ ہی کݙاہیں جیل ڳئے۔ انہاں ھک گلاس بھنیے بغیر پرامن جدوجہد دے نتیجے اچ آپݨے مقصد کوں حال کیتا ۔ چیف جسٹس دا مزید آکھݨ ہئی جو قرارداد پاکستان توں پاکستان دے بݨݨ تئیں 7سال اچ ساݙے قائد کݙاہیں لاٹھی یا گولی دی سیاست نی کیتی لیکن ایندے باوجود پرامن جدوجہد دے نتیجہ اچ اے وطن ساکوں ملیا ۔
