اسلام آباد۔24جولائی (اے پی پی) وفاقی وزیر منصوبہ بندی، ت??قی و خصوصی اقدامات پروفیسر احسن اقبال آکھیے حکومت چاہندی اے جو ملکی ت??قی سانڳے وفاقی تے صوبائی حکومتاں رل تے کٹھے کم کرن تاں جو ملک اچ یکجہتی اتے ہم اہنگی ودھاوئی ونڄ سڳے۔ اے ڳالھ انہاں سارے صوبائی وزراء منصوبہ بندی دے اجلاس دی صدارت اچ آکھی ۔ اجلاس اچ سالانہ قومی ترقیاتی منصوبے نال صوبائی اقتصادی پالیسیاں کوں ہم آہنگ کرݨ ، وفاقی حکومت دی طرفوں اعلی تعلیم سانڳے مختص فنڈز دے استعمال اتے پائیدار ت??قی دے اہداف گھنݨ دے حوالے نال مشاورت اتے حکمت عملی تے ڳالھ مہاڑ کیتی ڳئی ۔ اجلاس اچ صوبائی وزراء منصوبہ بندی دے علاوہ سیکرٹری منصوبہ بندی و ت??قی اویس منظور سمرا اتے وزارت منصوبہ بندی دے اعلی حکام شرکت کیتی۔ اجلاس توں خطاب اچ وفاقی وزیر احسن اقبال آکھیے 2018-2013 اچ وفاقی حکومت دی طرفوں صوبائی حکومتاں نال رل تے ھک پلیٹ فارم تے کم کرݨ سانڳے اے سلسلہ شروع کیتا ڳیا ہئی ، موجودہ حکومت اڄ اے اجلاس سݙ تے ??یں سلسلے کوں ول شروع کرݙتے۔ احسن اقبال آکھیے ستویں مردم شماری دے نتیجے توں پتہ لڳدے جو جیویں تکھے آبادی ودھدی پئی اے آندے چووی توں 30 سال اچ ??یں وچ ݙوگنا ودھارا تھیسی جیں توں ٻہوں سارے چیلنج آسن ، پاکستان آبادی اچ ودھارے دے لحاظ نال جنوبی ایشیا اچ ساریں توں اڳوں اے ، آبادی اچ ودھارے دے ??یں رجحان تے قابو پاوݨ سانڳے وفاقی تے صوبائی حکومتاں کوں سانجھی حکمت عملی نال رل تے کم کرݨا ہوسی ، صحت دے شعبے اچ پاکستان پوری دنیا اچ ٻہوں سارے ملکاں توں پچھوں اے ، ??یں شعبے دی ابتری تے قابو پاوݨ اہم چیلنج اے، ذیابیطس، ہیپاٹائیٹس، ٹی بی، ٻالاں اچ غذائیت دی کمی اتے سٹنٹنگ اچ پاکستان دے اشاریے کہیں وی لحاظ توں چنڳائی نظر نئیں آندی پئی ، صحت صوبائی معاملہ اے مگر حالات دا تقاضا اے صحت دے شعبے اچ وفاق تے صوبائی حکومتاں رل تے کم کرن ۔ احسن اقبال آکھیے تعلیم اچ وی اساں دنیا توں پچھوں رہ ڳیوں اڄ دی جدید دنیا اچ پاکستان اچ 2 کروڑ 60 لکھ ٻال سکول نی ویندے انہاں آکھیے ??یں حوالے نال وفاقی ادارہ شماریات کوں ہدایت ݙتیاں ڳئن ہر ضلع تے تحصیل دی سطح تے سکول دی بنیادی تعلیم توں محروم ٻالاں دا ڈیٹا کٹھا کیتا ونڄے تاں جو سکولاں اچ بنیادی تعلیم دی شرح اچ ودھاوݨ دی حکمت عملی بݨائی ونڄ سڳے ۔احسن اقبال آکھیے ہائیر ایجوکیشن دا شعبہ وی اوکھے حالات توں ݙوچار اے ، پنجاب دی اعلی اتے پراݨی انجینئرنگ یونیورسٹی سودھے اعلی تعلیم دے مزید تعلیمی ادارے بد حالی دا شکارہن ۔ انہاں آکھیے میݙی پوری کوشش رہی اے جو پی ایس ڈی پی اچ ترقیاتی بجٹ تے کوئی کٹ نہ لڳے مگر عوام کوں ٹیکساں توں بچاوݨ سانڳے اساکوں مجبوراً 300 ارب روپے دا کٹ لاوݨا پئے ۔ حکومت دی سوچ اے وفاقی یونیورسٹیاں کوں وفاق جݙاں جو صوبائی یونیورسٹیاں کوں صوبائی حکومتاں فنڈنگ کرن۔ انہاں ایندا عزم کیتے جو وفاقی وزارت منصوبہ بندی ہر مہینے باقاعدگی نال صوبائی وزرائے منصوبہ بندی نال مشاورتی اجلاس کراوݨ یقینی بݨیسی
