اسلام آباد۔20ستمبر (اے پی پی) دفتر خارجہ دی ترجمان ممتاز زہرہ بلوچ آکھیا جو نگران وزیر اعظم انوار الحق کاکڑ جمعہ 22 ستمبر کوں اقوام متحدہ دی جنرل اسمبلی دے اجلاس توں خطاب کریسن۔ ترجمان بدھ کوں پریس بریفنگ اچ آکھیا جو وزیر اعظم انوار الحق کاکڑ جنرل اسمبلی دے اجلاس توں خطاب اچ تنازعہ جموں تے کشمیر سودھے کئی علاقائی اتے عالمی مسئلیاں تے پاکستان دا نقطہ نظر بیان کریسن۔ ترجمان آکھیا جو وزیراعظم پاکستان دی معاشی بحالی کوں مستحکم کرݨ بارے کیتے ڳئے اقدامات اتے ملکی اتے ٻاہرلی سرمایہ کاری کوں متحرک کرݨ دی کوششاں دی وی سانجھ کریسن۔ انہاں آکھیا جو وزیر اعظم اڄ کلائمیٹ ایمبیشن سمٹ 2023 اتے ترقی کیتے فنانسنگ تے اعلیٰ سطحی ڈائیلاگ اچ شریک تھیسن۔
