اسلام آباد۔1اکتوبر (اے پی پی) ڈنمارک دے وزیر خارجہ کی یپے کوفے آکھیا جو پاکستان دہشت گردی دے خلاف جنگ اچ وݙی قیمت ݙتی اے، پاکستان نال تجارتی، توانائی اقتصادی تعلقات کوں ودھاوݨ چاہندوں۔ اے ڳالھیں انہاں جمعے کوں وزارت خارجہ اچ وفود دی سطح تے مذاکرات دے بعد آپݨے ہم منصب دی شاہ محمود قریشی دے رلے پریس کانفرنس نال خطاب کریندیں ہوئیں آکھی۔ وزیر خارجہ شاہ محمود قریشی افغانستان اچ اڄوکی صورتحال بارے پاکستان اتے ڈنمارک وچال رابطے بارے ݙسیندیں ہوئیں آکھیا جو میݙا ڈینش ہم منصب نال ترائی واری افغانستان دی صورتحال بارے ٹیلی فون رابطہ تھیا اتے انہاں یورپی یونین دے خارجہ تعلقات اتے سلامی دے سربراہ جوزف بوریل نال تھیوݨ آلی ملاقات بارے ݙسیا۔ وزیر خارجہ آکھیا جو پاکستان اتے ڈنمارک قابل تجدید توانائی سودھے کئی شعبیاں اچ سرمایہ کاری دے حجم کوں ودھا سڳدن۔ جی ایس پی پلس سٹیٹس بارے پاکستان دی حمایت تے انہاں ڈنمارک دا شکریہ ادا کیتا اتے فیٹف دے معاملے تے پاکستان ولوں کیتے ڳئے ٹھوس اقدامات بارے ڈینش وزیرخارجہ کوں ݙسیا۔
