مقبوضہ کشمیر دے عوام دی حق خود ارادیت سانگے جاری پر امن جدوجہد دی اخلاقی ،سیاسی تے سفارتی حمایت کریندے رہسوں
اقتصادی راہداری منصوبہ خطے دی تقدیر بدل ڈیسی اتے ملک اچ روزگار دے موقع پیدا تھیسن ،وزیر اعظم نواز شریف دی نیو یارک اچ پاکستانی برادری نال گالھ مہاڑ
نیویارک ۔ 19 ستمبر(اے پی پی) وزیراعظم محمد نواز شریف آکھیا ہے جو پاکستان مقبوضہ کشمیر دے عوام دی حق خودارادیت سانگے جاری پرامن مقامی جدوجہد دی اخلاقی ، سیاسی اتے سفارتی حمایت کریندا رہسی۔ اتواردی تریجھے پہر نیویارک پجنڑ دے وختی بعد پاکستانی کمیونٹی دے ارکان نال گالھ مہاڑ کریندے ہوئیں وزیراعظم ایں عزم دا اعادہ کیتا جو کشمیر دے مسلے دا اقوام متحدہ دیاں قرارداداں دے مطابق حل مقبوضہ جموں کشمیر دے عوام کوں حق خود ارادیت ڈیونڑ نال ہی ممکن ہے جیرھا جو کشمیری عوام دی خواہش تے امنگاں دے مطابق تھیا ۔انہاںآکھیا جو مقبوضہ کشمیر دے عوام جدوجہد دی آزادی کوں کامیاب دے نال اپنڑیاں نویاں نسلاں کوں منتقل کیتا ہے اتے ہنڑ کشمیر ی نینگراں تحریک آزادی اچ نواں جوش تے ولولہ شامل کر ڈتا ہے ۔انہاں آکھیا جو بھارت کوں ایں حقیقت کوں من گھننڑاں چاہیدا ہے جو مقبوضہ کشمیر اچ انسانی حقوق دیاں خلاف ورزیاں دا وختی خاتمہ ضروری ہے ،ایں گالھ نال وی من گھننڑی ہوسی جو کشمیر ی عوام دی صلاح دا احترام کیتا ونجے ۔وزیر اعظم آکھیا جو اج دا پاکستان 2013دے مقابلے اچ کتھائیں ودھ چنگاں ہے ۔انہاں آکھیا جو پاکستان ایں ویلھے عالمی برادری اچ سیاسی طور تے مستحکم ،ودھ مضبوط اتے معاشی حوالے نال مضبوط ملک بنڑ گیا ہے ۔وزیراعظم آکھیا جو پاکستان ایشیا دیاں تکھے ترقی کریندیاں ہویاں معیشتاں اچ شامل تھی گیا ہے اتے بین الاقوامی مالیاتی ادارے ،ریٹنگ ایجنسیاں اتے عالمی سطح تے معروف کئی جریندے ایں گالھ کوں منیندے ہن ۔انہاں آکھیا جو اساں ملک توں دہشت گردی اتے انتہا پسندی دے پورے خاتمے ،معیشت دی بحالی اتے توانائی دے حوالے نال خود انحصاری تے چنگی توجہ ڈیندے پیوں ۔وزیراعظم آکھیا جو سیکورٹی اتے قنون لاونڑ آلے اداریں ،پولیس دیاں ودھ ساریاںقربانیاں اتے پوری قوم دیاں بے مثال قربانیاںپاروں ملک اچ سیکورٹی دی صورت حال چنگی تھی ہے ۔اساں قومی اتفاق رائے پیدا کرنڑ دے بعد اپریشن ”ضرب عضب ” اتے نیشنل ایکشن پلان تے عمل در آمد شروع کیتا جیں پاروں ملک اچ دہشت گردی گھٹ تھیندی پئی ہے ۔انہاں آکھیا جو اساں اپنڑی حکومت دے موجودہ دور اچ عوام نال کیتے گے وعدے پورے پورے کریسوں اتے 2018تئیں ملک توں لوڈ شیڈنگ دا خاتمہ کر ڈتا ویسی ۔وزیراعظم آکھیا جو ملکی تاریخ اچ پہلی واری ملک دے طول تے عرض اچ بنیادی ڈھانچے دی ترقی دے 850ارب روپے توں ودھ کئی ترقی دے منصوبے شروع کیتے گے ہن اتے ترقی دے عمل اچ کوئی صوبہ یا علاقہ پچھی تے کائناں رہسی اساں اینکوں یقینی بنڑیسوں ۔وزیراعظم آکھیا جو پاک چین اقتصادی راہداری صرف گیم چینجر ہی نہ ہوسی ایندے نال پورے خطے دی تقدیر بدل ویسی اپنڑی گالھ مہاڑ دے چھیکڑ تے وزیراعظم سماجی اتے اقتصادی ترقی تے داخلی سلامتی دے حوالے نال کامیابیاں دا سفر قوم دے تعاون نال جاری رہسی ۔
.jpg)
