جنیوا۔24مئی(اے پی پی) وفاقی وزیر صحت عبدالقادر پٹیل آکھیے کورونا وائرس دے خلاف پاکستان دے فوری اتے موثر ردعمل دا پوری دنیا اعتراف کیتا ڳئے ، چیلنجاں دے باوجود پاکستان اپݨی اہل آبادی دی 90 فیصد کوں ویکسین لاوݨ اچ کامیاب رہیا ۔وزارت صحت توں جاری بیان موجب اے ڳالھ انہاں جنیوا اچ وبائی امراض فنڈدے اجلاس توں خطاب کریندے ہوئیں آکھی اے ۔ وفاقی وزیر آکھیے وبائی فنڈ بورڈ دی ول تشکیل کیتے فنڈ سیکریٹریٹ پاکستان نال رابطہ کیتے ۔فنڈ بورڈ پاکستان توں شریک سرمایہ کار دی نشست چھوڑݨ یا اینکوں برقرار رکھݨ دی درخواست کیتی ہئی ۔ انہاں آکھیے پاکستان باضابطہ طور تے سیٹ برقرار رکھݨ دا فیصلہ کیتا ڳئے ۔ وزارت خارجہ توں وی علاقائی ملکاں دی متعلقہ وزارت خارجہ دے نال کینوسنگ شروع کرݨ دی درخواست کیتی ڳئی اے ۔ پاکستان اپݨاامیدوار پیش کرݨ کیتے اڄ 23 مئی کوں باضابطہ علاقائی مشاورت دا اہتمام کیتے۔ انہاں آکھیے پاکستان دے علاقائی مشاورت اجلاس دے انعقاد دا مقصد مشرقی بحیرہ روم ملکاں دی حمایت حاصل کرݨا اے ، عالمی ادارہ صحت علاقائی سطح تے ݙوجھے ملکاں اچ آپݨے متعلقہ ملکی دفتر توں خودمختار شریک سرمایہ کار نشست کوں برقرار رکھݨ دے پاکستان دے فیصلے حمایت کیتی اے ۔ وزیر صحت شرکا ء کوں پاکستان دی طرفوں خطے اچ انفرادی اتے اجتماعی طور تے اتحادی ملکاں دے مفادات کوں ودھارا تے تحفظ ݙیوݨ دا یقین ݙیوائے ۔ وفاقی وزیر آکھیے وبائی فنڈ پاکستانی موقف دی حمایت کریندے ہوئیں وبائی فنڈ دے گورننگ بورڈ اچ ساݙی امیدوار کوں برقرار رکھݨ کتیے حمایت حاصل کرے ۔ انہاں آکھیے کورونا وائرس دے خلاف پاکستان دے فوری تےموثر ردعمل دا پوری دنیااعتراف کیتا ڳئے ۔ چیلنجاں دے باوجود پاکستان اپݨی اہل آبادی دی 90 فیصد کوں ویکسین لاوݨ اچ کامیاب رہیا ۔ پاکستان دا کووڈ۔ 19 اتے ایں طرح دی وبا دے خلاف نبݨݨ ردعمل کوں مضبوط بݨاوݨ کیتے اضافی مدد دی بنیاد رکھیسی ۔
.jpg)
