اسلام آباد۔10جون (اے پی پی) وفاقی وزیر مذہبی امور چوہدری سالک حسین حج دے انتظامات دا جائزہ ڳھنݨ سعودی عرب پڄ ڳئے۔ ترجمان مذہبی امورموجب چوہدری سالک حسین سنوار کوں مکہ کرمہ اچ تھیوݨ آلے حج سمپوزیم اچ پاکستان دی نمائندگی کریسن۔ سرکاری سکیم کیتے پری حج فلائٹ آپریشن کامیابی نال مُک ڳئے۔ اسلام آباد توں آوݨ آلی سعودی ایئر دی پرواز نمبر 3727توں380 عازمین کرام جدہ ایئر پورٹ لینڈ کرڳئن۔ نجی حج سکیم دے ذریعے 70 ہزار عازمین حج سعودی عرب پڄ ڳئن۔ آندے ݙو ݙینھ اچ ٻعے 20 ہزار پرائیوٹ عازمین سعودی عرب پڄ ویسن۔ عازمین دی وادی منیٰ کیتے روانگی 13 اتے 14 جون دی وچلی رات کوں تھیسی۔ پاکستان حج مشن وادی منیٰ اچ عازمین حج دی سہولت کیتے کیمپ آفس ٻݨا ݙتے جئیں اچ شعبہ معلومات تے رہنمائی، شکایات، امراض تے اموات ٻݨا ݙتے ڳئن۔ وزیر مذہبی امور چوہدری سالک حسین اتے وفاقی سیکرٹری ذوالفقار حیدر حج آپریشن دی براہ راست نگرانی کریسن۔
.jpg)
