اسلام آباد۔23جون(اے پی پی):قومی اسمبلی ملک دے مختلف حصیں اچ اقلیتاں اتے تلویں طبقات دے خلاف پرتشدد واقعات دے خلاف مذمتی قرارداد منظور کیتی اے اتے وفاقی تےصوبائی حکومتاں توں ملک دی مذہبی اقلیتاں تے ٻئے کمزورطبقے دے تحفظ کوں یقینی بݨاوݨ سانڳے ضروری اقدامات دا مطالبہ کیتے ۔ قومی اسمبلی دے اجلاس اچ وفاقی وزیرقانون اعظم نذیرتارڑ ایں حوالے نال چئیرتوں رولز معطل کرتے قرارداد پیش کرݨ دی اجازت منگی ، اجازت ملݨ تے انہاں قراردادپیش کیتی جیں دی ایوان دی کثرت نال منظوری ݙے ݙتی ۔ قرارداد دے متن اچ آکھیا ڳئے جو آئین پاکستان اچ انسانی جان دے تقدس تے تحفظ کوں مقدم رکھیا ڳئے ملک دے ہرشہری نال قانون دے مطابق سلوک کیتا ویسی اے ایوان سوات اتےسرگودھا اچ ہجوم دے ہتھوں ملزمان دے قتل دا سنجیدہ نوٹس گھندی اے اے ڳالھ قابل تشویش اے جو اڄوکے ݙینھاں ایں طرح دے واقعات ودھ ڳئن اے ایوان ایویں المناک واقعات دی مذمت کریندے ایں طرح دے واقعے کہیں وی معاشرے اچ قبول نی ہوندے اے ایوان وفاقی تے صوبائی حکومتاں توں سختی نال مطالبہ کریندے جو او ملک دے مذہبی اقلیتاں اتے ٻئے کمزورطبقے دا تحفظ یقینی بݨاوے ۔
.jpg)
