اسلام آباد۔12ستمبر(اے پی پی) دفتر خارجہ دی ترجمان ممتاز زہرہ بلوچ آکھیے انٹرنیشنل میری ٹائم آرگنائزیشن (آئی ایم او) دے سیکرٹری جنرل آرسینیو انتونیو ڈومنگیویز ویلاسکو پاکستان دے دورے تے اسلام آباد اتے کراچی اچ پاکستان دی قیادت اتے اعلیٰ سرکاری حکام نال ملاقاتاں کریسن ، پریس بریفنگ اچ انھاں آکھیے آئی ایم اودے سیکرٹری جنرل ترائے ݙینھ دے دورے تے گزریل رات پاکستان پڄن ، ترجمان آکھیے آئی ایم او دے کہیں سیکرٹری جنرل دا اے پہلا دورہ پاکستان اے۔ انٹرنیشنل میری ٹائم آرگنائزیشن دے سیکرٹری جنرل اسلام آباد اچ ’’انٹرنیشنل میری ٹائم بزنس اینڈ فنانس کانفرنس‘‘ اچ شرکت کریندے پئن جیں اچ نائب وزیراعظم اتے وزیر خارجہ سینیٹر محمد اسحاق ڈار کانفرنس اچ مہمان خصوصی دی حیثیت نال شرکت کیتی
