اسلام آباد – 06 مارچ (اي پي پي) صدر ممنون حسين چيو آهي ته نوجوانن ۽ شاگردن جو قومي ترقي ۾ ڪردار انتهائي اهم آهي ۽ هو مستقبل جي چئلينجن کي منهن ڏيڻ لاءِ تياري ڪن، ان لاءِ ضروري آهي ته هو جديد دنيا ۽ نئين سماجي، سياسي ۽ معاشي رجحانن کي سمجهڻ لاءِ وڌ کان وڌ مطالعو ڪن. اهڙن خيالن جو اظهار هن ڪيڊٽ ڪاليج حسن ابدال جي شاگردن سان ڳالهائيندي ڪيو. صدر چيو ته قومي ترقي حاصل ڪرڻ صرف انهي صورت ۾ ممڪن آهي جڏهن شاگرد ۽ نوجوان نسل اخلاص سان ان مقصد جي لاءِ پاڻ کي وقف ڪري ڇڏين.
