اسلام آباد – 09 آڪٽوبر (اي پي پي) صدر ڊاڪٽر عارف علوي جي گهرواريءِ بيگم ثمينه علوي چيو آهي ته ڇاتي جي ڪينسر جي وقت سر سڃاڻپ نه هئڻ جي ڪري پاڪستان ۾ هر سال تقريبن 40 هزار عورتون فوت ٿي وينديون آهن، وقت سر سڃاڻپ، علاج ۽ ڇاتي جي ڪينسر جي باري ۾ آگاهي پيدا ڪري موت جي شرح کي گهٽ ڪري سگهجي ٿو. اهڙن خيالن جو اظهار هن بريسٽ ڪينسر جي آگاهي مهم جي سلسلي ۾ پاڪستان ايئر فورس اسپتال ۾ ٿيندڙ بريسٽ ڪينسر آرگنائيز تقريب کي خطاب ڪندي ڪيو، هن چيو ته بريسٽ ڪينسر عورتن ۾ سڀ کان وڌيڪ ٿيڻ واري ڪينسر آهي، وقت سر سڃاڻپ نه هجڻ سبب پاڪستان ۾ هر سال تقريبن 40 هزار عورتون فوت ٿي وينديون آهن، بيگمه ثمينه عارف علوي چيو ته ماڻهن ۾ بريسٽ ڪينسر جي باري ۾ آگاهي پيدا ڪري موت جي شرح کي گهٽ ڪري سگهجي ٿو، اهڙين تقريبن جو مقصد عورتن ۾ ان مرض جي علامت جي باري ۾ شعور پيدا ڪرڻ آهي، هن چيو ته ميڊيا ان مرض جي باري ۾ آگاهي پيدا ڪرڻ ۾ اهم ڪردار ادا ڪري رهيو آهي.
