اسلام آباد۔8ستمبر(اے پی پی)صدر مملکت ڈاکٹر عارف علوی تریمتں کوں جائیداد دے ملکیتی حقوق ݙے تے بااختیار ٻݨاوݨ تے زور ݙیندے چنتا کیتے جو ملک دے کڄھ علاقیاں اچ تریمتیں کوں حقوق توں محروم رکھیا ویندا پئے۔ اے ڳالھ انہاں تریمتیں دے ملکیتی حقوق بارے ہک اجلاس دی اڳواݨی کریندے آکھی۔ اجلاس اچ وفاقی وزیر برائے قانون و انصاف سینیٹر ڈاکٹر محمد فروغ نسیم، پارلیمانی سیکرٹری برائے قانون و انصاف ملیکہ علی بخاری، وفاقی محتسب برائے انسداد ہراسیت کشمالہ طارق اتے محتسب پنجاب نبیلہ علی خان شرکت کیتی۔ اجلاس اچ وفاق، پنجاب اتے خیبرپختونخوا دے منظور تھیوݨ آلے تریمتیں دے ملکیتی حقوق دے ایکٹ تے بریفنگ ݙتی گئی۔ صدر ڈاکٹر عارف علوی زور ݙتے جو تریمتیں کوں جائیداد دے ملکیتی حقوق ݙے تے ودھ بااختیار ٻݨاوݨ کیتے متعلقہ اداریاں کوں فعال ٻݨایا ونڄے۔
