آستانہ۔13اکتوبر (اے پی پی) وزیراعظم محمد شہبازشریف نال فلسطین دے صدر محمود عباس خمیس کوں ملاقات کیتی۔ ݙوہیں رہنماواں وچال دلچسپ ڳالھ مہاڑ تھئی اتے انہاں دی جذباتی ڳالھیں اسلامی اخوت اتے بھارت چارے دی مثال ٻݨ ڳئی۔ محمود عباس فرط جذبات اچ وزیراعظم شہبازشریف دے ݙوہیں ہتھ آپݨیں ہتھیں اچ پکڑ ڳھدے۔ وزیراعظم آفس دے میڈیا ونگ توں جاری بیان موجب فلسطین دے صدر اتے وزیراعظم شہبازشریف گرمجوشی نال ہک ٻئے کوں بھاکل پاتا۔ وزیراعظم محمد شہبازشریف فلسطین دے صدر نال ڳالھ مہاڑ کریندیں ہوئیں آکھیا جو چھل وچال تساڈی مدد تے شکریہ ادا کریندوں۔ محمود عباس آکھیا جو پاکستان اساݙا گھر اے، پاکستان اساݙے بھرا اتے ٻھیݨیں ہن۔ وزیراعظم آکھیا جو فلسطین اساݙے ایمان تے یقین دا حصہ اے، فلسطین اساݙے دل اچ اے۔ انہاں آکھیا جو اڄ دی کانفرنس اچ پاکستان دی حمایت کرݨ آلے رہنماواں اچوں تساں شامل ہیوے، تساݙی حمایت اتے جذبے تے شکریہ ادا کریندوں۔
