بیجنگ۔19اکتوبر(اے پی پی) نگراں وزیراعظم انوار الحق کاکڑ سی پیک کوں پاک چین دوستی سانڳے سنگ میل قرار ݙٰیندے ہوئیں آکھیے جو پاکستان اچ پچھلے ݙاہ سال اچ سی پیک دے ثمرات معاشی ترقی دی صورت اچ سامݨے آئن ، سی پیک توں پاکستان دی معاشی ترقی و خوشحالی دے نال نال خطے اچ مواصلاتی رابطے کوں ودھارا تھیسی ۔ اے ڳالھ انہاں چائنا ڈویلپمنٹ کوآپریشن ایجنسی (سڈکا) ) دے چیئرمین لؤ زائوہوئی نال ملاقات اچ آکھی اے ۔ وزیراعظم سی پیک دے شراکت داری اتے رابطے ودھاوݨ دے وژن دی تعریف کریند ہوئیں آکھیے جو ایندے ثمرات گزریل ݙاہ سال اچ پاکستان دی معاشی ترقی دی صورت اچ ملیے ۔ وزیراعظم آکھیے سی پیک پاک چین دوستی دی تاریخ اچ ھک سنگ میل دی حیثیت رکھیندے جیں توں نہ صرف پاکستان اچ معاشی ترقی و خوشحالی تھیسی بلکہ خطےاچ مواصلاتی رابطے تے مجموعی ترقی کوں ودھارا تھیسی ۔
