اسلام آباد۔26دسمبر (اے پی پی) وفاقی وزیر اطلاعات، نشریات ،قومی ورثہ تے ثقافت عطاءاللہ تارڑ آکھیا جو کوئی شئے آئین تے قانون توں اُتے کائنی، رائٹ ٹو فیئر ٹرائل یقینی ٻݨایا ڳئے۔ کہیں وی عدالتی حکم اچ عالمی معیارات اتے مقامی قوانین اتے آئین کوں سامھے رکھیے۔ خمیس کوں وزیر خزانہ محمد اورنگزیب، وزیر مملکت برائے خزانہ علی پرویز ملک اتے چیئرمین ایف بی آر راشد لنگڑیال دے رلے پریس کانفرنس توں خطاب کریندیں ہوئیں وفاقی وزیر اطلاعات آکھیا جو کوئی شئے آئین تے قانون توں اُتے کائنی، رائٹ ٹو فیئر ٹرائل یقینی ٻݨایا ڳئے۔ انہاں آکھیا جو پی آئی اے دی یورپ کیتے فلائٹس وی ایں کیتے بحال تھین جو عالمی معیارات تے عمل تھیے۔ انہاں آکھیا جو پوری دنیا چ ملٹری کورٹس دا ہک ںظام اے، اتھاں رائٹ ٹو فیئر ٹرائل یقینی ٻݨایا ڳئے، رائٹ ٹو فیئر ٹرائل اچ وکیل دا حق، ریکارڈ اتے فیملی تئیں رسائی ݙتی ڳئی اے۔ انہاں آکھیا جو ایندے اچ کہیں وی عالمی قانون دی خلاف ورزی نی تھئی۔ ہک سوال دے ولدے اچ انہاں آکھیا جو شوگر انڈسٹری دا ہمیش ہولڈ رہیے، او ایکسپورٹ وی کریندن، من مانی وی کریندن، آخری واری کݙاں اینویں تھیا ہئی جو ملکاں دے اندر چھاپے پئے ہوون؟ اساݙے دور اچ شوگر انڈسٹری کوں ریگولیٹ کیتا ڳئے۔ شوگر ملکاں دے اندر پیداواری صلاحیت کوں چیک کیتا ڳئے، سٹاک دا جائزہ ڳھدا ڳئے۔
