اسلام آباد۔26ستمبر (اے پی پی) وزیر صحت عبدالقادر پٹیل آکھیا جو چھل متاثرین کوں صحت دی سہولتاں ݙیوݨ کیتے عملی اقدامات یقینی ٻݨیدے پیوں۔ سنوار کوں آپݨے ہک بیان اچ انہاں آکھیا جو ملک اچ چھل دے متاثرہ ضلعیاں اچ روزانہ دی بنیاد تے کیمپس لاتے ویندے پئن، ہیلتھ کیمپس وفاقی ایمرجنسی آپریشن سینٹر پولیو ‘ صوبائی ایمرجنسی پولیوسنٹرز اتے آغا خان دی سانجھ نال لاتے ویندے پئن۔ انہاں آکھیا جو گزریل ݙینھ خیبرپختونخوا ، سندھ ، بلوچستان اتے پنجاب اچ 44 جڈانجو خیبرپختونخوا دے 8 ضلعیاں اچ 16 ہیلتھ کیمپس لاتے ڳئن، پنجاب دے ݙو ضلعے اچ چار، بلوچستان دے ست ضلعیاں اچ 13 اتے سندھ دے 10 ضلعیاں اچ 11 ہیلتھ کیمپس لاتا ڳئن۔ مجموعی طور تے 5644 مریضاں کوں طبی امداد ݙتی ویندی پئی اے۔ انہاں آکھیا جو پںج سال توں ڳھٹ عمر 1262 ٻالاں کوں طبی امداد ݙتی ڳئی اے۔
