اسلام آباد۔9دسمبر(اے پی پی) وفاقی وزیر قومی صحت عبدالقادر پٹیل آکھیے جو حکومت میڈیکل دے شعبے دی ترقی تے بہتری کیتے موثر اتے عملی اقدامات کریندی پئی اے ، پاکستان دیاں ساریاں جیلاں اچ 2023توں قید ٻالاں کوں نرسنگ، الائیڈہیلتھ سائنسز اتے ایم بی بی ایس اچ ایڈمیشن تے تعلیم ݙتی ویسی،پی ایم سی کوں ہدایت جاری کرݙتیاں ڳئن ۔ جمعہ کوں وزارت قومی صحت توں جاری بیان موجب وفاقی وزیرعبدالقادر پٹیل آکھیے جو حکومت میڈیکل دے شعبے دی ترقی اتے بہتری کیتے موثر اتے عملی اقدامات کریندی پئی اے ۔ انہاں آکھیے اڳلے سال 2023 توں پاکستان دیاں ساریاں جیلاں اچ قید ٻالاں کوں نرسنگ، الائیڈہیلتھ سائنسز اتے ایم بی بی ایس اچ ایڈمیشن اتے تعلیم ݙتی ویسی ۔پاکستان دیاں ساری پبلک سیکٹر میڈیکل یونیورسٹیز کوں اے لازم کیتا ویسی جو کوئی وی ٻال جے جیل اچ ڈاکٹر وی بݨݨ چاہے تاں ایندا حق اے ۔ انہاں آکھیے ایں سلسلے اچ پاکستان میڈیکل کمیشن کوں ہدایت جاری کرݙتیاں ڳئن ۔ انہاں آکھیے جو جیل اچ موجود لائق اتے ذہین ٻالاں کوں ڈاکٹر ، نرسز اتے میڈیکل دے کہیں وی شعبے اچ تعلیم حاصل کرݨ کیتے موقع ݙتے ویسن ۔
