اسلام آباد۔17نومبر(اے پی پی)صدر مملکت ڈاکٹر عارف علوی دل دیاں بیماریاں توں بچائو کیتے علاج معالجے دی بجائے احتیاطی تدابیر اپناوݨ تے زور ݙیندے آکھیے جو دل دے امراض توں بچݨ کیتے غذا اتے طرز زندگی وٹاوݨ دی لوڑھ اے جیندے نال امراض قلب اتے فالج توں بچیا ونڄ سڳدے۔ اے ڳالھ انہاں پشاور اچ تھیوݨ آلی پاکستان سوسائٹی آف کارڈیو ویسکولر اینڈ تھوراسک سرجنز دی 12ویں ݙو سالہ کانفرنس نال ویڈیو لنک خطاب کریندے آکھی۔ صدر آکھیا جو احتیاطی تدابیر نال بیماری دا خطرہ ٹل ویندے ٻھل قومی صحت نظام تے وی ٻھار ڳھٹدے، نینگراں اچ وی دل دی بیماریاں دی وی تشخیص تھیندی پئی اے، دل دی بیماریاں دا طویل علاج اتے سرجری مریضاں کیتے ناقابل برداشت تھی گئی اے، تہوں صحت مند غذا دا استعمال، فعال طرز زندگی اپناوݨ اتے تمباکو نوشی چھوڑݨ نال دل دی بیماریاں تے قابو پاوݨ دی کوششاں تے مثبت اثرات پین۔
