رياض _ 25 اپريل (اي پي پي ) سعودي پراسيڪوشن گواهن ۽ اطلاع ڏيندڙ ن کي عدالتي تحفظ فراهم ڪرڻ لاءِ نئون مرڪز قائم ڪيو آهي . پي اي اي مطابق پراسيڪيوٽر جنرل شيخ سعود بن المعجب ان حوالي سان ٻڌايو ته نئين مرڪز جو مقصد ڏوهن جو اطلاع ڏيندڙن کي ڪنهن قسم جي مشڪل ۾ مبتلا ٿيڻ کان محفوظ رکڻ آهي . پراسيڪوٽر جو چوڻ هو ته نئون مرڪز اطلاع ڏيندڙ جي معلومات کي به ڳجهو رکڻ جو پابند آهي ، جيڪڏهن کيس روزگار جي حوالي سان ڪنهن قسم جي مشڪلاتن کي منهن ڏيڻ پئي ته ادارو کين مدد ڪندو .هن چيو ته مرڪز اطلاع ڏيندڙن کي هر قسم جي قانوني ۽ سماجي مدد فراهم ڪندو .
