گڏيل قومون- 24 فيبروري(اي پي پي) پاڪستان روس ۽ يوڪرين تڪرار جي پرامن حل لاءِ ٻنهي ڌرين وچ ۾ ڳالهيون ٻيهر شروع ڪرڻ جي ضرورت تي زور ڀريو آهي. پاڪستان روس – يوڪرين جنگ کي هڪ سال مڪمل ٿيڻ تي گڏيل قومن جي جنرل اسيمبلي ۾ پيش ڪيل قرارداد تي ٿيل راءِ شماري ۾ حصو نه ورتو، ان موقعي تي گڏيل قومن ۾ پاڪستان جي مستقل نمائندي منير اڪرم گڏيل قومن جي جنرل اسيمبلي جي اجلاس ۾ روس – يوڪرين تڪرار جي خاتمي جي قرارداد تي راءِ شماري ۾ حصو نه وٺڻ جي وضاحت ڏيندي ٻڌايو ته هن ان قرارداد تي راءِ شماري ۾ حصو وٺڻ کان پاسو ڪيو، جنهن جو مسودو يوڪرين تيار ڪيو هو، شريڪ اسپانسرز طرفان تڪرار جي شدت ۾ گهٽتائي آڻڻ جي ڪوششن باوجود ڪجهه شقون هاڻي به پاڪستان جي اصولي موقف سان هڪجهڙائي نٿيون رکن. هن چيو ته پاڪستان خودمختياري، برابر خودمختياري ۽ رياستن جي علائقائي سالميت جي احترام جي اصول ۽ ڌمڪي يا طاقت جي استعمال سان علائقي کي حاصل نه ڪرڻ جي مطالبي جي مڪمل حمايت ڪري ٿو. پاڪستاني سفير چيو ته طاقت جي استعمال سان رياستن کي حاصل نٿو ڪري سگهجي پر کيس افسوس آهي ته پرڏيهي قبضي جي صورتحال ۽ ڀارت جي غير قانوني قبضي هيٺ ڄمون ڪشمير جي غير قانوني ۽ جبري الحاق جي جاري ڪوششن ۾ انهن اصولن جو عالمي سطح تي لاڳو ۽ احترام نه ڪيو ويو آهي. هن چيو ته پاڪستان يوڪرين ۾ جامع، منصفاڻي ۽ ڊگهي مدي واري امن کي حاصل ڪرڻ لاءِ سفارتي ڪوششن لاءِ پنهنجي حمايت کي ٻيڻو ڪرڻ لاءِ ميمبر ملڪن ۽ عالمي تنظيمن کان قرارداد جي مطالبي جي به توثيق ڪري ٿو. جيستائين اشتعال انگيزي جاري آهي، جنگ جو وڌيڪ فوجي ۽ جاگرافيائي طور تي وڌڻ جو سدائين خطرو موجود آهي جيڪو عالمي امن ۽ سلامتي لاءِ هڪ فوري خطرو آهي. پاڪستاني نمائندي چيو ته قرارداد جي مسودي ۾ موجود اصولن ۽ عمومي شقن سان اتفاق ۽ ان جي توثيق ڪندي ڪجهه شقون پاڪستان جي اصولي موقف سان هڪجهڙائي نٿيون رکن، هڪ اهڙي ملڪ جي طور تي جنهن پنهنجي پاڙيسري ملڪ ۾ ڊگهي تڪرارن کي ڏٺو ۽ ان کي منهن ڏنو آهي، اسان سڌو سنئون يا اڻ سڌو ڳالهيون، ثالثي ۽ ٻين پرامن ذريعن جي ذريعي هڪ منصفاڻي ۽ پائيدار حل کي حاصل ڪرڻ لاءِ دشمني جي فوري خاتمي ۽ ٻيهر ڳالهين جي آغاز کي سڀ کان وڌيڪ ترجيح ڏيون ٿا ۽ ان سلسلي ۾ اسان عالمي تڪرارن جي پيسفڪ سيٽلمنٽ لاءِ گڏيل قومن چارٽر جي شقن جي باب VI ۽ VIII تحت تڪرار جي پرامن سفارتي حل لاءِ ڳالهين کي برقرار رکڻ، ڇڪتاڻ ۾ گهٽتائي، نئين سري سان ڳالهين جي پائيدار ڪوششن لاءِ گڏيل قومون ۽ سيڪريٽري جنرل اهم ڪردار ادا ڪري سگهن ٿا. پاڪستاني نمائندي منير اڪرم چيو ته پاڪستان کي اميد آهي ته هڪ تعيري موقف ۾ ڌريون جلد ئي گڏيل ۽ جلد دشمني جي خاتمي کي قبول ڪري وٺنديون.
.jpg)
