اسلام آباد۔2جولائی (اے پی پی):محکمہ موسمیات آکھیے جو 3 توں 8 جولائی تئیں پورے ملک اچ مون سون بارشاں شروع تھی ویسن، بحیرہ عرب اچ مرطوب ہوائیں ملک دے بالائی علاقیاں اچ آندیاں پن۔ 3 توں 8 جولائی تئیں مون سون بارشاں اسلام آباد، راولپنڈی مری، گلیات اتے چکوال، اچ موسلا دھار بارش، ژالہ باری وسیسن۔ 5 توں 8 جولائی تئیں بارکھان، لسبیلہ، ڈی آئی خان اتے ملتان سودھا مختلف علاقیاں اچ کھمݨ اتے ڳاڄ نال مینہہ وسسی۔ 7 اتے 8 جولائی کوں سکھر، جیک آباد، ٹھٹھہ، عمر کوٹ حیدرآباد اچ وی مینھ تھیسی۔ 4 توں 7 جولائی تئیں راولپنڈی، اسلام آباد اچ اربن فلڈنگ اتے کشمیر، گلگت بلتستان دے پہاڑی علاقیاں اچ لینڈ سلائیڈنگ دا خدشہ اے۔ محکمہ موسمیات بارشاں اچ سیاحواں کوں محتاط رہݨ اتے ارے متعلقہ اداریاں کوں تیار رہݨ دی ہدایت کیتی اے۔
