اسلام آباد۔31جنوری (اے پی پی):الیکشن کمیشن ول پرنٹنگ دے حامل حلقیں دے بیلٹ پیپرز آخر اچ چھاپݨِ دا فیصلہ کیتے تاں جو ایندا دارومدار خصوصی سکیورٹی کاغذ اتے ویلھے دی دستیابی دے نال پرنٹنگ پریساں دی استطاعت تے منحصر ہوسی ۔ بدھ کوں الیکشن کمیشن اعلامیہ موجب الیکشن کمیشن اچ انتخابی حلقیں اچ بیلٹ پیپر دی ول چھپائی دے مسئلے تے ھک ہنگامی اجلاس منعقد تھیا جیں اچ غور دے بعد فیصلہ کیتا ڳئے جو جنھاں حلقیں اچ بیلٹ پیپر دی ول چھپائی کراوݨی پئی اتھاں چھپائی دے سلسلے کوں ملک دے بئے حلقیں دے بیلٹ پیپرزدی چھپائی دے مکمل ہووݨ دے بعد کیتا ویسی ۔ جے خصوصی سکیورٹی کاغذ مطلوبہ مقداراچ دستیاب نہ تھیا تاں کمیشن کنے انہاں حلقیں اچ انتخابات موخر کرݨ دے علاوہ کوئی ٻیا چارہ نہ رہسی ۔
