لاہور۔29جنور (اے پی پی):گورنر پنجاب چوہدری محمدسرور آکھیے جو ”کامیاب کسان“منصوبہ وزیر اعظم عمران خان داکساناں کیتے وݙا تحفہ ہے،کر پٹ عناصر کساناں دا وی معاشی قتل کریندے رہن ،ماضی دے حکمران کساناں کوں صرف تسلیاں ݙیندے رہن ، اڄ کسان دی مضبوطی، ترقی اتے خوشحالی کیتے عملی کم تھیندا پئے ۔او گورنر ہائوس لاہور اچ صنعت کار خواجہ جلال الدین رومی نال ملاقات اچ ڳالھ کریندے پئے ہن۔ انہاں کساناں دے مسلیاں دے حل اتے کپاہ دی پیداوار اچ ودھارے کیتے ریسرچ سودھے ٻئے امور تے ڳالھ مہاڑ کیتی۔ انہاں آکھیا جو کپاہ دی پیدوار اچ ودھارے کوں یقینی بݨاوݨ کیتے وزیر اعظم عمران خان میݙے اتے وزیراعلی دی اڳواݨی اچ وفاقی اتے پنجاب حکومت دے متعلقہ محکمیاں دی کمیٹی بݨائی اے جیڑھی کساناں نال رل تے کم کریسی۔ چوہدری محمد سرور آکھیا جو ملک کوں اگوں تے ودھݨ توں روکݨ دی سازشاں کرݨ آلے کݙاہیں کامیاب نہ تھیسن ۔
