اسلام آباد۔26جنوری(اے پی پی):وفاقی وزیر داخلہ و تجارت ڈاکٹر گوہر اعجاز اتے وفاقی وزیر صحت ڈاکٹر ندیم جان پمز اسپتال دا دورہ کیتے اتے اتھاں طبی سہولتاں دا جائزہ ڳھدے۔ وفاقی وزیر ڈاکٹر گوہر اعجاز ہنگامی بنیاداں تے اسپتال دی ایمرجنسی کیتے 40 بستریاں دا عطیہ ݙتے۔ انہاں آکھیے جو آندے ہفتے کولو سارے مریضاں اتے ورثا کیتے کھاوݨا وی ݙتا ویسی، تیکھے پمز کیتے ہک فارمیسی شروع کیتی ویسی جیندے اچ ساریاں دوایاں موجود ہوسن۔ وزیر صحت آکھیا جو پمز ہسپتال تے روز ݙیہاڑی مریضاں دا ٻھار ودھدا پئے، جتھاں روز 12 ہزار مریض آندن، پمز اچ صفائی، معیاری سہولتاں اتے بہترین خدمات سانڳے ودھ کم تھیندا پئے، سرکاری ہسپتالاں دی کارکردگی ودھاوݨ کیتے عملی اقدامات کیتے ویسن۔
