اسلام آباد۔7جون (اے پی پی) وفاقی وزیر اطلاعات تے نشریات مریم اورنگزیب آکھیا جو پاکستان دے معاشی، دفاعی اتے قومی مفادات کوں نقصان ݙیوݨ پی ٹی آئی دا مشن اے، امریکی ملٹری ایڈ رکواوݨ پاکستان دشمن ایجنڈا اتے سانحہ 9 مئی دی کڑی اے، پاکستان دشمن ایجنڈے دے آلہ کاراں کوں قوم کݙاہیں معاف کائنا کریسی۔ منگل کوں اپݨے بیان اچ انہاں آکھیا جو تاریخ گواہ اے جو کوئی غدار، سازشی اتے فارن ایجنٹ اپݨے کوڑ، فریب، دھوکے اتے پروپیگنڈے نال ہر ویلھے ہر کہیں کوں بے وقوف نی ٻݨا سڳدا۔ انہاں آکھیا جو پاکساتن دے معاشی، دفاعی اتے قومی مفادات کوں نقصان ݙیوݨ پی ٹی آئی دا مشن اے۔ ارباں روپے دی فارن فنڈنگ نال ایں مشن کیتے کیتی ڳی، ایں فارن فنڈنگ نال ملک دے اندر اتے ٻاہر میڈیا مہم چلائی ڳی۔ فارن فنڈنگ نال سوشل میڈیا نیٹ ورک ٻݨایا ڳیا جئیں نال پاکستان دے آئینی اتے دفاعی اداریاں اتے انہاں دی قیادت دے خلاف مہم چلائی ویندی پی اے۔ انہاں آکھیا جو پاکستان دے معاشی، دفاعی اتے قومی مفادات کوں نقصان ݙیوݨ پی ٹی آئی دا مشن اے، امریکی ملٹری ایڈ رکواوݨ پاکستان دشمن ایجنڈا اتے سانحہ 9 مئی دی کڑی اے، پاکستان دشمن ایجنڈے دے آلہ کاراں کوں قوم کݙاہیں معاف کائنا کریسی۔
.jpg)