اسلام آباد۔20ستمبر (اے پی پی) پاکستان اچ ہولناک چھل دے متاثرین کیتے ٻاہرلے ملک توں امدادی پروازاں آوݨ دا سلسلہ جاری اے۔ چھل متاثرین کیتے ٻاہرلے ملک توں 116 امدادی پروازاں پاکستان پڄ ڳئن۔ منگل کوں دفتر خارجہ توں جاری اعدادوشمار موجب چھل متاثرین کیتے متحدہ عرب امارات توں ہݨ تئیں 41، ترکیہ توں 13، چین توں 4، ازبکستان توں ہک، قطر توں چار، فرانس توں ہک، یونیسیف دی ترائے، اقوام متحدہ دے پناہ گزیناں دے ادارہ ( یو این ایچ سی آر) دی متحدہ عرب امارات توں چلائی ونجݨ آلی 13 پروازاں، ترکمانستان دی ہک، اردن دی ہک، عالمی ادارہ خوراک دی ترائے، امریکہ دی 21، برطانیہ دی ہک، نیپال دی ہک، عمان دی 6 اتے سعودی عرب دی ݙو پروازاں امدادی سامان ڳھن تے پاکستان پڄین۔
.jpg)
