اسلام آباد۔31مئی(اے پی پی):وفاقی وزیرخزانہ ومحصولات سینیٹر محمد اسحاق ڈار محصولات اچ ودھارے دے حوالے نال سیالکوٹ ایوان صنعت وتجارت دی خدمات دی تعریف کیتی ، اے ڳالھ انہاں اتھاں سیالکوٹ ایوان صنعت و تجارت دے وفد نال ایف بی آر ہیڈکوارٹرز اچ ملاقات اچ آکھی اے ۔ایں موقع تے وزیر دفاع خواجہ محمد آصف وی موجود ہن ۔ سیالکوٹ ایوان صنعت و تجارت دے وفد وزیر خزانہ کوں نویں مالی سال دے وفاقی بجٹ کیتے تجاویز اتے سفارشات پیش کیتیاں وفاقی وزیرخزانہ آکھیے اوکھے اقتصادی صورتحال دے باوجود حکومت ملک اچ کاروبار تے سرمایہ کاری دے ودھارے کیتے اقدامات دا سلسلہ جاری رکھیسن ۔انہاں آکھیے ماضی اچ تاجراں تے سرمایہ کاراں دے نال رل تے مشکلات دا مقابلہ کیتا تے ملک کوں اوکھی صورت حال توں کڈھیا ، انہاں ریونیو اچ اودھارے کیتے سیالکوٹ چیمبرتے ملک دے کاروباری برادری دی خدمات دی تعریف کیتی ، انہاں تاجراں دی طرفوں بجٹ تجاویز داخیرمقدم کیتا تے آکھیے حکومت انہاں تجاویز اتے سفارشات داجائزہ گھنسی تے انہاں کوں بجٹ اچ رلاوݨ کیتے اقدامات کریسی ۔
.jpg)
