آستانہ۔4 جولائی(اے پی پی)وزیراعظم محمد شہباز شریف شنگھائی تعاون تنظیم دے سربراہی اجلاس اتے ایس ای او پلس سمٹ اچ فلسطین دی صورتحال تے ݙوٹوک موقف ݙیندے آکھیے جو عالمی برادری کوں اسرائیل کوں جوابدہ ٻݨاوݨ اتے انصاف دی کچہری اچ کھڑا کرݨ دا آکھیے۔ وزیراعظم محمد شہباز شریف شنگھائی تعاون تنظیم دے اجلاس نال خطاب اچ غزہ دا مقدمہ تکڑے انداز اچ لڑیے اتے عالمی برادری کوں آکھیے جو او اسرائیل کوں فلسطینیاں تے مظالم سانڳے جوابدہ ٻݨاوے اتے اسرائیل کوں انصاف دی کچہری اچ ڳھن آیا ونڄے، اسرائیل فلسطینیاں دی نسل کشی کریندا پئٖ، عالمی عدالتی انصاف وی اسرائیل دیاں ظالمانہ کارروائیاں کوں فلسطینیاں دی نسل کشی قرار ݙے چکی اے، اسرائیل غزہ اچ ظلم دے پہار تروڑ تے جنگی جرائم ورتدا پئے، عالمی برادری غزہ اچ فوری جنگ بندی اتے انسانی امداد دی رسائی کیتے کوششاں تیز کرے، پاکستان چاہندے جو سارے ڄھیڑے ڄھڳڑیاں دا حل اقوام متحدہ دیاں قرارداداں دے مطابق ہووݨا چاہیدے۔ وزیراعظم آکھیے جو فلسطین اچ 37 ہزار تئیں معصوم لوکاں کوں شہید کیتا ڳئے جیندے اچ تریمتیں اتے ٻال وی شامل ہین، اسرائیل 20 لکھ فلسطینیاں کوں بے گھر کیتے، پاکستان فلسطین دے مسئلے دا 1967 توں پہلے دیاں سرحداں دے مطابق ݙو ریاستی حل چاہندے جیندے نال فلسطینی ریاست ٻݨے اتے ایندا دارالحکومت القدس ہووے۔
.jpg)
